احساس غريب اتملكني و قلب كياني
من يوم ماعنيك خطفتني و حبك هز وجداني
خايفة اسلملك قلبي يرجعلي مجروح بيعاني
و خايفة تضيع من حضني و ماترجعليش من تاني
...........................................
الحيرة خلاص قتلتني و مش لاقيالي دوا
كل ما تقربلي خطوة ارجع خطوتين لورا
من كتر ما قلبي حبك خايفة نكون سوا
ماهو اي جرح سهل يداوى الا جرح الهوا
...........................................
بحبك آه بحبك بجنون
و قلبي من حبك خلاص بقى مجنون
ازاي بيحبك و ازاي يكون
خايف لا في يوم عليك يهون
...........................................
عارفة انك تعبت و بقيت من الحيرة عاجز
غصب عني من خوفي بنيت حوالين قلبي حاجز
ماقدرتش انت تعديه لكن يمكن..جايز
يقدر غيرك عليه و يهد كل الحواجز
...........................................
صدقني مش غرور بس قلبي غالي عليا
وعدته ما ارخصوش ولا ابيعه عشان شوية حنية
ولما الاقي اللي مكتوب لي اعيش لهواه لياليا
هخبيه جوا قلبي و اشيله بين رموش عنيا
موضوع: قلبي غالي..., مشاعر متناقضة... 
الإثنين يناير 21, 2008 4:26 pm
