ازيكم يا شباب؟؟؟يا رب يكون كله تمام وبخير
انا جه فى دماغى اعمل التوبيك ده من كام يوم كده كنت قاعد مع نفسى وبافكر كده فى الدنيا عموما وادايقت قوى...عارفين ادايقت ليه؟؟؟ادايقت لما افتكرت رمضان اللى فات الحمد لله الواحد ختم القرأن فى رمضان وكان بيصلى الطراويح كل يوم والتهجد كمان فى العشره الاواخر بس بصراحه اللى دايقنى قوى هوا حالى دلوقتى اه صحيح باصلى بس بتضيع منى فروض المصحف بتاعى ماتفتحش من رمضان اللى فات غير امبارح طب ليه كده؟؟؟هوا يعنى لازم رمضان علشان نعمل كل حاجه صح ونلتزم بيها....انا مش داعيه اسلامى ولا انا عمرو خالد انا شاب عادى جدا باحاول ارضى ربى واأدى الفروض اللى عليا انا هدفى من التوبيك ده ان كل حد يقراه يعمل وقفه مع نفسه ويقارن كده بين حاله فى رمضان يعنى من 4 شهور وحاله دلوقتى انا عارف ان فينا اللى قطع الصلاه خالص وفينا اللى بقى بيفوت فروض وفينا اللى بطل يقرى قرأن خالص وبرضه فينا اللى لسه محافظ وفى كل الحالات لازم نعمل وقفه مع نفسنا اللى مبيصليش يسأل نفسه هوا حيخسر ايه؟؟حيخسر ايه من 25 دقيقه لربنا كل يوم؟؟؟صدقنى حتفرق كتير قوى فى الاخره...واللى بطل يقرى قرأن يبدأ مع نفسه ربع ساعه قبل ما ينام مهو مش معقول كلنا معندناش وقت للدرجه دى....واحده واحده مع نفسنا يا شباب علشان ندى ربنا حقه علشان مفيش حاجه حتنفعنا يوم ما نبقى بين اديه غير صلاتنا وقرأنا واعمالنا الصالحه
احب اقول انى مش بانصح حد انا بانصح نفسى ده فعلا اللى كنت بافكر فيه من كام يوم وحبيت اننا نفكر فيه بصوت عالى علشان اكيد فى الاخر حيبقى الثواب لينا كلنا
طلب من ستورمى:يا ريت متنقلش التوبيك ده للاسلاميك لانى مبتكلمش فى الدين لانى لا فقيه ولا داعيه انا باتكلم فى حياتنا كلنا كشباب
موضوع: موضوع مهم جدا يا شباب, مش لازم ترد بس اقرى التوبيك 
الأحد يناير 20, 2008 11:55 am
