اشهر جمل بيقولوها الاهالى للشباب والله جااااااااااامده؟؟

جايبلكو موضوع تحفه جداااااااااااااااا اشهر جمل بيقولوها الاهالى للشباب والله جااااااااااامده؟؟ 14

اشهر جمل بيقولوها الاهالى للشباب والله جااااااااااامده؟؟ 73

اشهر جمل بيقولوها الاهالى للشباب والله جااااااااااامده؟؟ 40

يارب يعجبكو

أشهر جمل بيقولوها الأب و الأم في مصر

1- انت فاكرنا لاقين الفلوس ديـــ في الشارع .

2- ما تتكلمش بصوت عالي في الحمام .

3- والله ما انت فالح .. وادي دقني أهه .

4- ما تنمش غير لما تغسل سنانك .

5- ما تلزقش في التلفزيون كده .. نظرك هيضيع .

6- سلم على عمك كويس يا ولد .

7- يا ابني محدش هينفعك .

8- ما تطلعش ايدك من الشباك .

9- قصة الغريق الكاذب اللي كل مره يقول الحقوني ... لحد ما غرق بجد .

10- ربنا يرزقك بعيل يوريك اللي ورتهوني .

11- ما تطلعش على الملايه النظيفه و رجليك متوسخه كده .

12- نسيت تشرب ؟ نسيت تاكل ؟ نسيت تاخد المصروف ؟ نسيت تعكنن عليا و على امك ؟

13- طلع ايدك من جيبك و انت بتكلمني .

14- ايه الا مبالاه و الاستهتار اللي انت عايش فيهم دول .

15- قوم اقرا لك كلمتين ينفعوك .

16- وطي المدعوق ده شويه .

17- انت فاكرنا نايمين على ودانا ؟

18- يا ابني انت مسطول ولا ايه ؟

19- ما تلبسش القميص على اللحم زي العيال الصايعه .

20- بلاش أكل بره .

21- كلمنا لما توصل .

22- عيـــب ... لازم تحترم اللي أكبر منك .

23- لو شفت خناقه ما لكش دعوة بيها .

24- لازم تأكل سلطه .

25- اوعى تكدب عليا كده تاني مرره .

26- اوعى حد غريب يديلك حاجه تاكلها و تشربها و تاخدها منه .

27- يا ابني كلم خالتك العيانه اسأل عليها .

28- بلاش لعب في الشارع .

29- ما تعليش صوتك .

30- وانت فاكر احنا مستنيين منك حاجه .

31- المسلسل مش هينفعك ...قوم .

32- ما تقعدش قدام المروحه وانت مستحمي .

33- كفايه رغي في التليفونات .

34- بلاش وقفة الشبابيك و البلكونات .

35- اوعى تقول لحد هات لي حاجة .

36- كل على مهلك .. وامضغ كويس ... وما تكلش وانت واقف .. وكل من قدامك ما تحفش .

37- اطفي التلفزيون وقوم ذاكر . أو اطفي التلفزيون و خش اوضتك .

38- ربنا يهديك ربنا يهديك ... وأحيانا .. انك لا تهدي من أحببت .

39- صليت العصر ؟!

40- ما تمشيش حافي في السقعة دي

41- ما فيش مذاكرة على المزيكا .. أو .. بتذاكر إزاي و البتاع ده شغال جنبك .

42- افرد ظهرك .

43- ما تتأخرش بعد المدرسه و تقعد تصيع مع أصحابك .

44- بص كويس و انت بتعدي الشارع .

45- ومالها الكتب بتاعة الوزاره ؟!

46- اللي بيشيل قربه مخرومة بتخر عليه لوحده ..

47- لو مش فاهم حاجه ارفع ايدك و قول للأستاذ مش فاهم .. متتكسفش .

48- تقعد في أول صف قدام السبوره .

49- ما تردش عليا .

50- مش عايز اسمع صوت .

51- مالكش دعوة بالسياسة .. وماتمشيش في مظاهرات .

52- التهديدات المخيفة شكلا و الكارتونية مضمونا : مثل: هأقطم رقبتك أو هأقطع ايدك أو هأقطع لك لسانك أو هأدبحك دبح .

وطبعا متنسوش الكلام ده علشان لما تكبرو تقوله لولادكو
يارب يكون الموضوع عجبكو بالاخص الشباب اشهر جمل بيقولوها الاهالى للشباب والله جااااااااااامده؟؟ 9

اشهر جمل بيقولوها الاهالى للشباب والله جااااااااااامده؟؟ 9

__________________

bgad topic gameeeeed moot

thnx ya kisha

ادى اخره اللى مبيسمعش الكلام
شكرا على الموضوع ونرجو المزيد

TAB3N FY WA7D AHLOO MISH BIS2LOOOO FIH WALLA BI2OLOOL O ELKLAM DA
TAB3AN CHASTER 3ARF ANA BTKALM 3LA MEEEEEN

thnx tiger

hahahaha

metehaya2ly keda el klam 3laya (lol)

bas ya hashem ana ahly mosh bey2ololy keda 3lshan 3arfeen en ana ba2et 5alas ragel we a2dar amayez ben el sa7 we el 3'alat

ya3ny mosh hashrab sagayer wala haroo7 ashayesh

enta fahem tab3n ya mickey el klam 3la meen

we ediny fe el shisha we asemly ya disha

thnxs

man