السلام عليكــم ورحمـة الله وبركاتــة ،،
ازيكم يا شباب ...
مين اللى حاله أفضل ؟؟؟ الشباب ولا البنات ...
يعنى دلوقتى الشباب - معظمهم - بقو حالهم زى ما انتو شيفين لا يسر عدو ولا حبيب ..
وبما انى معرفش ايه حال البنات لان مليش اختلاط بيهم .. لكن زى ما بشوف بنات عامله حاجات غريبه بشوف بنات محترمه .. عشان كده مش قادر احكم عليهم ولا اتكلم عنهم ...
لكن اللى انا شايفه ان معظم الشباب مش عارف بكره المفروض عليه هيعمل ايه ...
مقضيها زى ما بيقولو ...
طيب يا ترى مين اللى حاله أصعب .. الشباب ولا البنات ...
يعنى مين اللى لازم نلحقه الاول .. مين الاولى ان احنا نوقفه عند حده ونفوقه ...
هل هما الشباب لانهم هما اللى المفروض بيمثلو الفئه العامله فى المجتمع .. ومفيش بنت تفهمنى غلط بالفئه العامله .. انا قصدى انهم هما اللى هيفتحو بيوت وهيشتغلو وهيتحمل والمسؤليه ومطلوب منهم زواج ومصاريف وكده .. يبقى لازم نفوقهم ونقولهم ان فيه مسؤليه وحياه لازم يتعلمو ازاى يعيشو فيها ..
ولا هيا البنت لانها هيا المسؤله عن تربية الاولاد وهيا اللى هتربى النص المسؤل فى المجتمع اللى هما الشباب اللى هيتحملو المسؤليه بعد كده .. عشان كده هيا لازم تبقى متحمله مسؤليه اكبر فى تربية الاولاد .. ولازم نفوقها ونقولها ان هيا مسؤله عن جيل قادم هتربيه عشان كده لازم تغير أسلوب حياتها ...
وياريت متنسوش تجاوبو على التساؤل الرئيسى .. مين اللى حاله أفضل ؟؟؟
موضوع: مين اللى حاله أفضل .. ؟ 
الأربعاء أبريل 23, 2008 10:23 pm
