التورنت All What U Want To Know About Torrent

طبعا مادمت بتقرا الموضوع ده ...يبقى تلقائيا انته مستخدم
انترنت
وصعب جدا تكون مستخدم انترنت بدون ما تكون دخلت عالم التورنت انا اعتبرها
خطيئه فى حق نفسك

الموضوع ده عباره عن نظره شامله على عالم التورنت وإن شاء
الله هتلاقى فيه شرح وافى لكل ما تحتاج معرفته عن التورنت

أولا مخترع
التورنت ده اسمه ابرهام كوهين ....يهودى تشرفنا

التورنت ببساطه هوا وسيله
لنقل الملفات كبيرة الحجم بسرعه عاليه وهو فى الاساس بيعتمد على التعاون


طبعا سيادتك هتعمل فيها ناصح وتقولى طب ما انا ممكن انزل فايلات كبيره من
ال E.donkey او kaza

هرد عليك وأقولك إن الفرق ان برامج الشيرنج ديه لابد أن
تكون الأجهزة اللي فيها الملف يكون كامل وبنسبة 100% علشان تقدر تحمله لذلك لو كان
المصدر واحد للملف هنلاقى أن عمليه التحميل بطيئة . وكمان مش هتلاقى عليها كل شئ ذى
التورنت عليه كل ما تتخيل

طبعا مفهمتش حاجه لسه

هفهمك يا سيدى ..
بص ...بص كمان


التورنت أفضل من كل البرامج بسبب تكنولوجيا التعاون اللى
بيعتمد عليها وهديك مثال علشان الموضوع يكون اوضح

لو مثلا فيه فيلم على
جهازى وفيه 3 اشخاص عايزين بنزلوا الفيلم من عندى ولنفترض انهم

" حسن " و
"حسنى" و "حسنين"

حسن حمل من عندى مثلا 35% من الفيلم

حسنى يقدر
يحمل منى ومن حسن من خلال مبدا التعاون اللى قلتلكم عليه

ولو حسنين دخل
كمان شويه يقدر يحمل منى ومن حسن ومن حسنى

وبكده تنوعت المصادر فتجنبنا اى
كونفلكت او ترافيك فالتحميل بيكون سلس وسريع


مصطلحات مهمة في عالم
التورنت

المتتبع ( Tracker )
هو موقع يقوم بربط الأجهزة ببعضها البعض
فالتراكر ما هو إلا عبارة عن وسيط لتجميع الأجهزة التي يتم فيها نقل الملفات في ما
بينها

السيدرز ( Seeds )
هي الأجهزة التي تحمل النسخة الكاملة من الملف
وفي المثال الذي ذكرته يكون جهازي هو السيدرز وأي واحد يتم التحميل إلى 100% يتحول
إلى سيدر

البيــر ( Peers )
هي الأجهزة التي لا تحمل النسخة الكاملة من
الملف ولكن هي الأجهزة التي تحمل وترفع بنفس
الوقت

التوررنــــــــــــت
هو ملف صغير الحجم يحوي على معلومات الملف
الذي نقوم بتحميله فهذا الملف يخبرك عن موقع الـ Tracker وعدد الـ Seeds وعدد الـ
Peers وحجم الملف وهذا الملف بعد أن تفتحه بأحد برامج التوررنت يقوم برنامج
التوررنت بتجميع الأجهزة وربطها من خلال بعض من خلال ملف
Torrent




فهمت ...تمام ..انسى بقى الكلام ده كله لانه ملهوش
لازمه

ندخل على المهم

علشان تدخل عالم التورنت محتاج يكون عندم
حاجتين


1- برنامج تورنت

2- ملف التورنت

الموضوع بسيط جدا
فيه عشرتاشر برنامج ممكن تستخدمه "ومحدش يسألنى يعنى ايه عشرتاشر "

أنا عن
نفسى ومعظم مستخدمى التورنت بيستخدموا برنامج bitcomet لانه الافضل ومجانى وخفيف
جدا على الجهاز

تقدر تحمله من
هنـــــا



بعد ما تنزله وتسطبه يبقى انته كده خلصت اول خطوه


معدش بقيلك غير الخطوه التانيه اللى هيا انك تجيب ملف التورنت المناسب
للفيلم أو البرنامج اللى انته محتاجه

وهنا يكمن الفرق بين محترف التورنت
والهاوى

لكن هتواجهنا مشكلة الحظر لان حكوماتنا الالكترونيه الرشيده مشغوله
بأغلاق المواقع بدلا من الالتفات اكتر للدش والفضائيات

عموما مش عايزين ندخل
السياسه فى البتنجان

نرجع لموضعنا ...
افضل مواقع تقدر تحمل منها ملفات
تورنت

www.btjunkie.org
www.mininova.org

بعد ما تدخل على الموقع
ضرورى جدا تاخد بالك من نوعية الملف اللى هتنزله

ويالا ناخد مثال :


لو مثلا واحد صاحبك قالك انته اتفرجت على فيلم shooter

طبعا انته
هتقول لاء

متحسش بالعجز ...لان فيه شئ اسمه التورنت هتلاقى عليه لبن
العصفور

كل اللى عليك انك تروح على اى موقع من اللى انا قلتلك
عليهم

وتكتب فى محرك بحث الموقع كلمة shooter



هيظهرلك خمناشر
طمناشر نتيجه

المهم انته دلوقت محتار اى نتيجه من اللى ظهرت هيا أفضل ملف


قاعده : دائما اختار الفيلم الذى يتبع بكلمة DvD rip

يعنى مثلا
shooter[DvDrip]xvid
ديه بتكون افضل صيغه على الاطلاق

والافضل منها انها
تكون shooter[dvdrip]xvid.axxo

لاحظت انى ضفت كلمة axxo جنب اسم الفيلم ...
وديه برده من علامات جودة الفيلم ونقاءه وسرعته

axxo هوا اشهر ريبر على سطح
الارض ادعوله ربنه يطول فى عمره لانه من اهم رافعى الافلام على الشبكه
العنكبوتيه









إياك تنزل فيلم مثلا تلاقى فيه كلمة ts
لان ديه معنها tele screen وبتكون نسخه زباله وصوره سيئه جدا
مثلا shooter
ts.avi


وكمان اياك انك تنزل فيلم تلاقى فيه كلمة CAM اى camera وده برده
بتكون جوده وحشه جدا لانه بيكون مسروق من السينما
مثلا shooter CAM xvid
.avi


حاجه مهمه جدا كمان ...لما بتعمل بحث عن فيلم معين ..هتلاقى فيه
كذا ملف dvdripمتحيرش نفسك دائما تختار الملف اللى قدامه اكبر عدد من السيدز
..وببساطه لو ضغط على كلمة سيدز seeds هيرتبلك الافلام حسب اكبر فيلم يمتلك اكبر
عدد من السيدز




حاجات لازم تعرفها عن التورنت :
- سرعة
التورنت تعتمد بالمقام الاول على سرعتك ومتصدقش البرامج اللى بيقولوا عنها انها
بتسرع التورنت وايضا سرعة التورنت بتعتمد ذى ما ذكرت على نوعية الملف اللى انته
بتنزله فكلما كانت السيدز فيه عاليه كلما كان اسرع

- التورنت يبنى على
التعاون متكنش أنانى وبعد ما تنزل ملفك تقفل التورنت .... وفيه تراكرز كل ما بترفع
اكتر كل ما بتزيد سرعة دونلوودك وديه حقيقه فى بعض سرفرات التراكرز الخاصه ذى موقع
demonoid.com


-ملفات الترجمه ممكن ببساطه تجبها من موقع http://divxstation.com/subtitles.asp

http://subscene.com/
خلاصة ما
سبق :

اولا : سطب برنامج التورنت

ثانيا : ابحث عن ملف التورنت
المناسب ويفضل ان يكون صاحب اكبر قيمه من السيدز ويكون صيغته كالتالى

اسم
الفيلم DVDrip ويا حبذا لو وجدته مضاف له كلمة AXXO


أى حد ليه
استفسار ان شاء الله حاضرين ..ولو لقيت صعوبه فى انك تجيب ملف تورنت معين انته بس
تؤمر


-تذكر أن الله رقيب عليك فأتقى الله فيما تشاهد